Dirk Krause
Dirk, Johrgang 1955, kummt ut Echem un is bi Charmonia de mit de gröttste Büx. Hei singt meist de deipe Baßstimm´n un schaustert de ganzen Harmonien för de annern Sängers trecht. Un wat hei richtig gaud kann is Texten. Giv em `n Thema un een Melodie, un du kannst annern Dag een neeijet Wunnerwark in plattdüütsche Schrievkunst avhaalen. Dat is em woll noch nich naug, so dat hei ok noch in twee-dree annere Gruppen Musik maakt. Mit sien Sousaphon het hei oole amerikaansche Blues- un Buddel-Leeder bi de DOWNTOWN DANDIES späält, un wenn ma bi de MOCKINGBIRD JAZZBAND Not an´n (Bass-)Mann is springt hei ok dor giern mol mit väl Spooß un Kann-Nix in. Siet Tweeduusendachteihn weer hei denn bi dat A-Cappella-Quartett FOFFTEIN taugangn. Sienen Mitsängers dor kaamt alle ut de Band Liederjahn, Dirk is dor man blossen liederlich.
Â
